मतिना दिवसया लसताय् 

-सौरभ शाक्य

 हिसिचा दुगु ख्वालं , छ वल जिथाय्
अजःउलातगु मिखां , छं स्वल जिथाय् ।

गजाःगु नुगपाःसंगु खः , छ खनेवं जितः
प्यखेँ न्यंक ख्यूँयानं , निभाःत्वल जिथाय् ।

ऐ जि यःम्ह छ बाहेकं , सुं मदु खंला जि
दैब संयोग ,छंगु नुगःथ्वल जिथाय् ।

थ्व चाः व फय् , गुगु धरती च्वं च्वना जि
छ खनेवं , क्वबःजायेक स्वां ह्वल जिथाय् ।

सुंहे मदुसां छ दयेवं , यक्वःदुथेँ ताइगु जितः
मतिनाया कस्ति छंके भयबिया ज्वल जिथाय् ।