-सौरभ शाक्य   

             हिलावंगु बिचाः

                        -चिबाखं--

पत्रिकाय् राजनितिक बुखँत स्वस्वं वइगु मिखा बक्सय् च्वंगु छगू बुखँय् जूत " बसन्तपुलि ट्यूशनवंपि निम्ह मिसा मस्तयत तेजाबं छ्वाकाः धकल " शिर्षकं हे वया म्हः जिरिँङ वन । वयागु मिखा दुरुर ब्वाँयवन आखःग्वलय् । ब्वं ब्वं हे वया ख्वाःच्यानावल । ल्हाःम्हुछित । उकिया क्वसं मेगू बुखँ " खुगु तगिँ ब्वनाच्वंम्ह छम्ह बिद्यार्थी यात छम्ह 56 बर्ष दुम्ह मास्तरं.." उफ् वं बुखँ पूमवंकल । वं पत्रिका ग्वारामारायाना वाकुछिना हूँथ्यंक वाँन्छोत । उबलेहे वया प्वाथय् दुम्ह कलाःच्या ज्वनाः कोठाय् दुहाँवल । भातया पहःताल खं खं " छु जुल छितः राजनितिया बुखँ स्वतकिँ न्ह्याबलेँ तं ! खी क्वबिया लायकू च्यूता ! व नेतातयगु बूखँ हे स्वयेमाःगु छि ! कन्हय् निसेँ पत्रिका हइम्हसित पत्रिकाहे हयेम्वाल धायेला !" भातया ख्वाः स्वस्वं  च्या टेबिलय् तल । वं थः कलाःया ख्वाःव प्वाः स्वयाः न्यन " केशरी ,छं प्वाथय् ग्वला दत ? छक म्ह्याय् कि काय् , भिडियो एक्सरेयाना स्वयेला ! "

भातया आकाझाकां वःगु न्ह्यसं वं थुलिजक धाल " म्ह्याय् छु काय् उत्थेँ धाइम्ह छि ! अझ जितला म्ह्यायहे यः धाइम्ह छि ! हानं..."" मखु छक मस्वसेँ मजिल ! थौँहे .." वं थः कलाःयात माया वंका धाल ।" छुं जुया म्ह्याय् जूसा...!" केशरीया खँ पूमवंबले हे ग्वारामारागु पत्रिका फ्यनाः बुखँ वयागु न्ह्यःने तयाः धाल " म्ह्याय्.. ! वयाःगु कथूं सः थाहाँ मवल । मिखा लःलः धायेका वं थःकलाःयात त्वाल्हाँ स्वयाच्वन ।वं थः कलाःया ख्वाःव प्वाः स्वयाः न्यन " केशरी ,छं प्वाथय् ग्वला दत ? छक म्ह्याय् कि काय् , भिडियो एक्सरेयाना स्वयेला ! "भातया आकाझाकां वःगु न्ह्यसं वं थुलिजक धाल " म्ह्याय् छु काय् उत्थेँ धाइम्ह छि ! अझ जितला म्ह्यायहे यः धाइम्ह छि ! हानं..."" मखु छक मस्वसेँ मजिल ! थौँहे .." वं थः कलाःयात माया वंका धाल ।" छुं जुया म्ह्याय् जूसा...!" केशरीया खँ पूमवंबले हे ग्वारामारागु पत्रिका फ्यनाः बुखँ वयागु न्ह्यःने तयाः धाल " म्ह्याय्.. ! वयाःगु कथूं सः थाहाँ मवल । मिखा लःलः धायेका वं थःकलाःयात त्वाल्हाँ स्वयाच्वन ।