सगुन डटकमले प्रयोगकर्तालाई पैसा दिने
अमेरिकामा बसेर एप्लिकेशन निर्माणमा जुटेका गोविन्द गिरीको नेतृत्वको समूहले सगुन डटकम डेभलप गरेको हो । यसलाई सोसल स्मार्ट कार्डका रुपमा पनि प्रयोग गर्न सकिन्छ । विशेष प्रकारले डिजाइन गरिएको यस कार्डले ग्राहकलाई अनलाईन सपिङ गर्न÷उपहार पठाउन प्रयोग गर्न सकिन्छ । यो डिजिटल उपहार प्रदान गर्न चाहनेका लागि ‘वन स्टप सप' हुनेछ । सूचिकृत बिक्रेताहरूकहा“ गएर सबैभन्दा पहिला यो स्मार्ट कार्डको प्रयोग गर्नेले ५ अमेरिकी डलर बराबरको रकम प्राप्त गर्नेछन् ।
सगुन सूचनाको गोपनियतामा महत्वपूर्ण फड्को हुने गिरीले स्काइपमा बताए । सगुनबाट पठाइने फोटो, सूचना शेयर गर्नासाथ डिलिट हुने उनले जानकारी दिए । यसमा आफ्नो गोप्य कुरा, फोटोहरू परिवारका सदस्य, साथी र आफ्नो समुदायका ब्यक्तिहरूलाई पोस्ट गर्न सकिन्छ । यसैगरी आफ्नो समूह ब्यवस्थित गरेर टेक्स्ट, फोटो र स्टिकरहरू आदानप्रदान गर्न सकिने विशेता यसमा छ । आफ्नो दैनिकीलाई सेड्युलमा राखेर साथीभाई लगायतलाई शेयर गर्न सकिने सगुन इन्कका सस्थापक गिरीले जानकारी गराए ।
सगुन डटकममा क्लिक गरेर आफ्नो अकाउन्ट खोल्न सकिन्छ । सगुनले बनाएको यो सोसियल म्यासेजिङ एपका अरु केही रोचक विशेता छन् । यसमा टप सेक्रेट नामक एप छ, जसबाट हाम्रो दैनिक गोप्य स्टोरीहरू साथीभाई र परिवारलाई सेयर गर्न सकिन्छ । यो सुविधा अहिलेको सबैभन्दा चर्चित म्यासेजिङ एप इन्स्टग्रामले पनि दिन सकेको थिएन । आफ्ना मेमोरेबल इभेन्टहरूलाई सेयर गर्न कस्टोमाइज्ड अप्सन पनि छ । यसले तपाईका प्रियजनलाई मात्रै दिनभरीको स्टोरी सेयर पनि यही एपले गरिदिन्छ । यसमा दैनिक सेड्युल वा साप्ताहिक सेड्युल एप पनि छ ।
अर्को विशेता सानाठूला जुनसुकै रिजोलुसनका फोटो भए पनि शेयर गर्न समस्या हुँदैन । तीनवटा फोटोलाई एउटै बनाई सेयर गर्न सकिने सुविधा पनि यसको नौलो फिचर हो । एपबाट पठाइने फोटो, सूचना अत्यन्त गोप्य रहन्छन् । अर्को महत्वपूर्ण फिचर हो, अल इन वन पेज । अर्थात् यसमा ग्रिटिङ एप, क्यालेन्डर जस्ता आवश्यक एप्स पनि यसमै समाहित भएकाले एउटै पेजबाट भेराइटी फिचर पाउन सकिनेछ । दैनिक आफूले गरेको कार्यलाई अब एपबाटै सेड्युलिङ गर्न सकिने गरी यसलाई डिजाइन गरिएको छ ।
सगुनको सोसिएल एप्प टुडेज सेक्रेट युजरलाई उनीहरूका कथा परिवारका सदस्य र साथीहरूलाई शेयर गर्न मिल्ने गरि डेभलप गरिएको छ । यसै गरी स्मार्ट क्यालेन्डर, अल इन वन पेजले युजरलाई सबै कुरा एकै ठाउँमा पाएको अनुभूति गराउँछ । कम्पनीले युजरलाई आफ्नो अभुभव शेयर गर्न र गतिविधिलाई ब्यवस्थित गर्न एउटै प्लेटर्फम उपलब्ध गराउने जनाएको छ ।
गिरीले यसअघि अमेरिकाको सुरक्षा निकाय पेन्टागनमा सिस्टम इन्जिनियरको रुपमा काम गरेका थिए । त्यहाँबाट राजिनामा दिएर आफूले नेपालीले संसारसामु केही गरेर देखाउन सक्छन् भनेर सगुन डटकम डेभलपमा लागेको बताए । सगुनमा अमेरिकामा ब्यवसाय गर्दै आएका कविन्द्र सिटौलालगायत विभिन्न मुलुकमा रहेका गैरआवासीय नेपालीले लगानी गरेका छन् । सगुनले नायिका मनिषा कोइरालालाई ब्रान्ड एम्बेसेडरका रुपमा नियुक्त गरेको छ । फरक विशेषता भएको सगुनबारे भारतीय संचारमाध्यमले समेत प्राथमिकता दिएर समाचार प्रकाशन÷प्रसारण गरिरहेका छन् ।
No comments:
Post a Comment